Kabahin sa aton simple nga selebrasyon sang #Sinadya2021 amo ang pagbukas sang ‘036 X LARGER THAN LIFE’ PHOTO EXHIBIT FOR SINADYA 2021-PISTA SANG IMMACULADA CONCEPCION sa pagpanguna ni Mr. Bordoy Viterbo kag sang grupo sang mga photographers diri sa Roxas City.
Ini nga exhibit nagahatag importansya sang pagpreserbar naton sang aton heritage kag landmarks para sa masunod nga henerasyon pinaagi sa mga matahum nga laragway sang aton syudad. Nagasimbolo man ini sang aton mabakud nga panindugan kag daku nga pagsalig nga bilang isa ka syudad kita magabangon sa pihak sang halit nga dala sang pandemya.
