“Simple lang ang amon kalipay, ang makakaon 3 ka beses sa isa ka adlaw kag indi magutuman amon kabataan subong nga pandemic. Okay na kami sina. Napasalamatan guid namon sang daku kay Mayor nga may bugas siya nga napanghatag sa pumoluyo. Handum namon nga indi ini mag-untat,” pahayag sang taga-Talon.
Nagaudyak sa kalipay ang 632 ka pamilya sa Talon bangud may bugas naman kita nga guinpadul-ong sa ila sa mga kaupdanan naton nga bug-os ang suporta sa pagpadayon sang programa. Gani basta ara kamo upod sa amon kag kamo nagakinahanglan, indi mag-untat ang pagpadala sang ayuda sa kabangayan.