“Mapauli kami nga puno naman ang talagbasan. Ang ginahatag nga libre nga bugas daku gid nga bagay sa akon. Muna nga kada distribusyon daw maudyak gid ako sa kalipay,” siling sang taga-Milibili.
Manami sa pamatyagan nga may 1,519 naman kita ka pamilya nga napasadya subong nga aga, sila ang akon mga kasimaryo sa Milibili . Sa libre nga 15-kilos nga bugas nabuligan naton pamag-an ang mga kabudlay nga ila ginapas-an sa kada adlaw.
