Sa ginhiwat nga 3rd Quarter Meeting sang Local Disaster Risk Reduction and Management Council gin-aprubahan sang konseho ang ginaduso nga pondo para sa mga proyekto kag programa agud mapabakud ang disaster and emergency response sang syudad.
Nakasulod diri ang plano nga pagpatindog sang Integrated Emergency Operation Center para sa madasig nga monitoring kag pagresponde sa kalamidad kag iban pa nga emergency cases.
Isa man sa prayoridad amo ang pag-angkon sang dugang nga floating assets nga sarang magamit sa tion sang baha, paghawan sang mga ilegal nga istruktura sa kasubaan, pag-angkon sang mobile responder equipment kag iban pa nga importante nga kinahanglanon.