Naghiwat sang Exit Conference 2022 sa Roxas City Government ang Commission on Audit subong nga adlaw sa pagpanguna nanday COA Supervising Auditor Atty. Joy Therese R. Orillos kag Audit Team Leader Atty. Junmar D. Natanaun.
Kaupod ang aton mga Department Heads, amon gin-review ang ila audit observations kag mga rekomendasyon natuhoy sa financial status kag performance sang syudad sa mga nakaligad nga tuig.
Akon ginapasalamatan ang ila pagkilala sa maayo naton nga pagdumala sa syudad labi na sa tion sang CoVid-19 pandemic.
Aton gid gina-welcome ang ila mga suhestyon kag komentaryo bangud importante ini sa aton tinutuyo nga mapaayo pa gid ang kalidad sang serbisyo sa pumoluyo kag mahatagan katumanan ang aton handum para sa BIGGER , BETTER and BRIGHTER Roxas City.
Ginasiguro namon nga bangud sa maayo kag transparent nga financial management sang syudad preparado kita sa pagpatuman sang mga High Impact/Big Ticket Projects nga benepisyado ang bilog nga komunidad kag makadul-ong sang progreso sa syudad.
-MAYOR RONNIE DADIVAS
