Luyag ko ipaabot ang pagpasalamat sa tanan nga kabarangayan nga aktibo nga nagsabat kag nagresponde guilayon sa aton panawagan nga dapat mag-angkon sila sang kaugalingon nga mga oxygen tanks kag regulators bilang preparasyon kon may pumoluyo sa ila Barangay nga nagakinahanglan sang immediate medical attention.
15 ka kabarangayan nga guinlakipan sang Brgy. Lanot, Brgy. 9, Lawaan, Lonoy, Libas, Liong, Loctugan Dinginan, Banica, Sibaguan, Dumolog, Bolo, Tiza, Cagay kag Olotayan ang napadulungan naman sang CDRRMO agud ipaidalum sa paghanas ang mga Barangay Frontliners natuhoy guihapon sa PREVENT, DETECT, ISOLATE, TREAT kag REINTEGRATE INITIATIVES batuk sa CoVid-19.
Ang ila mga frontliners guintudluan man sa insakto nga pagtakod kag paggamit sini ngq kagamitan agud madasig nga marespondehan ang mga pasyenti sa Barangay nga nagakinahanglan na sang oxygen apang nagahulat pa sang kahigayunan nga makasulod sa nagagutok na nga ospital.
-Mayor Ronnie Dadivas
CDRRMO