Dialogue with DPWH: Formulation of the Final Route Plan of Circumferential Road C-2 and C-3

Antes magpadayon ang implementasyon sang Circumferential Road Project sang DPWH sa C-2 kag C-3 ginpakamaayo naton nga makahinun-anon liwat ang mga katapo sang DPWH angut sa pinal nga plano sang pagaagyan nga rota sang nasambit nga proyekto.

Nagtambong sa amon meeting kaina sanday Atty. Grace Hachuela, Attorney V, Division Chief of Right of Way Acquisition and Legal Division, Engr. Servero Ruiz, Engineer IV Asst. Division Chief of Planning and Design Division, Engr. Elzear Oro, Jr, Engineer III, Chief of Engineering Survey and Investigation Section subongman DPWH Capiz 1st Engineering District Engineer Nonie Viyar kag ila mga kaupdanan.

Ila ginpamatian ang opinyon sang City Government sa pagpinalisar sang alagyan sang pagaubrahon nga karsada agud magsantu ini sa Land Use Plan sang syudad sa masunod nga 10 ka tuig kag wala sang matabo nga pagdoble sang sang proyekto kag pondo.

Nagalaum kita nga pinaagi sa pagbinuligay kag insakto nga koordinasyon sang LGU kag DPWH maabot naton ang aton target sa 2032 nga makaobra sang dugang nga kapin 150 kilometros nga karsada/road network nga mangin dalan para sa progreso sang syudad. Samtang temprano masolusyunan naman naton ang ginapanan-aw nga paglala sang dalagan sang trapiko.

1 Comment

Leave a comment

Your email address will not be published. Required fields are marked *