Isa ka Emergency Meeting ang ginapatigayon subong sa aton Command Center sa pagpanguna sang Local Disaster Risk Reduction and Management Council agud abanse nga mapreparahan kag makapanginlaman kita sa posible mangin epekto sang Low Pressure Area nga nagadala sang mabaskog nga ulan sa pila ka porsyon sang Pilipinas lakip na sa Roxas City.
Nagalibot naman ang aton team sa pagmonitor sang sitwasyon sang kabarangayan partikular sa balahaon nga lugar, naka-standby man ang mga Heavy Equipment para sa relief/rescue operations kag nakapreposisyon ang mga relief assistance kon kinahanglanon na.
Sa karon, magluwas sa porsyon sang Tiza nga ginbaha apang amat – amat naman nga nagahubas, wala pa kita sang na-monitor nga flooded barangays.