Ginalauman ang malain nga panahon kag lapnagon nga pag-ulan bangud sa Low Pressure nga sa karon yara sa Surigao City.

Aton na ginhinyo ang City Disaster Risk Reduction and Management Office upod ang Frontline City Government Offices nga magconvene agud bantayan ang lakat sang panahon kag siguradohon ang kahandaan sa tion nga may yara sang kalamidad nga magatuhaw.

Sa initial report sang CDRRMO halin sa mga Barangay Disaster Risk Reduction Management Office maulanon ang tagsa ka barangay apang wala sang reported case nga pagbaha sa kabilugan nga 47 ka kabarangayan.

Sa pihak sina wala kita nagahatag sang kumpiyansa kag padayon ang pagbantay sang CDRRMO sa lakat sang panahon kag sitwasyon sa tagsa ka barangay.

Hinali nga may yara sang paglala sang panahon sa sulod sang 24 oras naka-standby na ang aton mga kagamitan, foodpacks, bulong kag iban pa para sa deployment kon pananglitan may lugar nga magataas ang tubig.

Padayon lang sa pag monitor sa aton Facebook page para sa dugang nga impormasyon.

Leave a Reply

Your email address will not be published. Required fields are marked *