Groundbreaking of 40-Bed Dormitory Project in Pontevedra National High School

Sa Pontevedra National High School madamo sang estudyante nga ginabudlayan magkadto sa eskwelahan kada adlaw bangud sa kalayuon sang ila puluy-an. Iban sa ila nagapuyo sa coastal areas kag malayo nga kabarangayan. Kon maglain ang panahon ukon hubas nagasako sa pagpauli kundi gani napilitan nga mag-absent ang kabataan bangud delikado na ang pagtabok sa lawod kag suba.

Ini nga problema nakaapekto gid sa ila pagtulun-an kag pagabululigan nga solusyunan sang Angat Buhay Foundation kag LBC Hari ng Padala Foundation.

Nagrepresentar sa akon agud mag suporta sa sini nga importante nga kahiwatan ang akon tiayon nga si Joanne.

Kalakip sa nga nagtambong sanday Mr. Raffy Magno, Exexutive Director sang Angat Pinas nga nagrepresentar kay Atty. Leni Robredo, Chairperson, Ms.Melissa Macarubbo-LBC Hari ng Padala Inc. Foundation, Ms. Judith Azarcon Marquez, Board of Director Angat Pinas/One Capiz Head, Capiz Schools Division Superintendt Dr. Miguel Mac Aposin, Sangguniang Panlalawigan Chairperson Committee on Education Board Member Thea Faith Reyes kag Board Member Trina Ignacio.

Magluwas sa ipatindog nga dormitoryo agud tulugan sang mga na-identify nga apektado nga estudyante paga siguraduhon man sang Angat Buhay kag LBC nga ang nasambit nga building may nagakaigo nga tools kag equipment nga ila magamit sa pagtuon kapareho sang computers kag libro.

-MAYOR RONNIE DADIVAS

0 Comments

There are no comments yet

Leave a comment

Your email address will not be published. Required fields are marked *