Inauguration and Blessing of TATC Vegetable and Dry Goods Section

Ginakalipay ko nga i-presentar sa inyo ang katumanan sang aton bag-o nga proyekto sa TATC. Kadungan sang selebrasyon sang Sinadya 2022 ginpatigayon naton ang Inauguration kag Blessing sang Vegetable and Dry Goods Section, ang Phase 2 sang aton TATC Redevelopment Project.

Matahum, malimpyo, kumbinyenti kag kumportable nga lugar sa manugbaligya kag nagapamalaklon.

Ginapasalamatan ko ang tanan nga yara sa likod sang katumanan sini nga proyekto. Natigayon ini bangud sa suporta kag kooperasyon sang tanan halin sa aton mga City Officials, TATC Management, Engineering Department, Market Vendors kag mga bumalakal.

Isa lang ka Challenge ang akon ginabilin sa kutob sa maga-okupar sini nga mga stalls, magbulig sila sa pagsiguro nga mamentinar ang katahum kag katinlo sang ila lugar agud mapabugal naton sa mga turista. Obligasyon sang tanan ang pagpanglimpyo. Indi lamang ini merkado, handum naton nga sa pagpadayon sang aton Development projects sa TATC mangin isa na ini ka tourist destination sa Roxas City.

-MAYOR RONNIE DADIVAS

• 

• 

•