Guintinguhaan naton nga makapangita sang paagi agud mabuligan ang mga street food vendors sa Roxas City. Kita nagapasalamat sa Department of Labor and Employment sa pagsabat sa aton hingyu.
Subong nga adlaw guintugyan ni DOLE Regional Director 6 Atty. Sixto Rodriguez Jr. sa City Government ang 1.5 million pesos nga pondo sa NegoKart Livelihood Project para sa 75 ka mga Street Food Vendors sang Roxas City.
Pinaagi sini nga proyekto mangin maayo, presentable kag palarehas na ang food carts nga ila pagagamiton sa pagbaligya.