Padayon ang aton monitoring sa dalagan sang panahon kag sitwasyon sang kabarangayan bangud sa pagbubo sang mabaskog nga ulan.
Subong nga hapon, ang City Disaster Risk Reduction and Management Council kag CDRRMO sa pagpanguna nanday CDRRMO Head Dennis Pong Saneo kaupod sanday City Administrator Love Usison, CENRO Head Ronald Amigo, City DILG Office Ginno Salamanca subongman Councilor Bords Viterbo naglibot sa kabarangayan nga masami ginabaha agud personal nga magmonitor kag magpatigayon sang assessment sa Water Level situation partikular na sa Barangay Adlawan kag Loctugan nga sa matandaan gintaup sang tubig-baha sang nagligad.
Sa karon, may gamay nga pagtaas sang tubig sa pila ka porsyon sang barangay apang indi pa ini makabig nga kritikal. Apang sa gihapon hugot kita nga nagapahandum sa pumoluyo nga mangin alerto sa posible pagbunok pa sang ulan kag sa ginalauman nga pag-us-os sang tubig-baha nagikan sa kabanwahanan.Indi magpangduha-duha nga mag-evacuate gilayon kon kinahanglanon.
