Subong nga gab-i aton ginsug-alaw ang ginpadala nga bulig sang aton Sister City, ang Quezon City sa pagpanguna ni Mayor Joy Belmonte para sa biktima sang baha nga dala sang bagyo nga Paeng sa pila ka barangay sa Roxas City.
Ini personal nga gindala mismo sang Quezon City DRRM kag Social Services Division sa pagpanguna ni Mr. Erwin Valdez, Head of Operations kaupod sanday Mr. Kenneth Lopez, Supervisor Search and Rescue; Mr.Rufino Lim, Mr. Ariel Antipolo, Mr. Emilio Miguel Agustin, Mr. Voy Isaac Bautista, Mr.Neldine Basquinas kag Mr. JD Taoatao.
Sa ngalan sang Roxas City LGU kag pumoluyo akon gid ginapaabot ang hugot nga pagpasalamat kay Mayor Joy kag sa Quezon City LGU sa pagdumdom nila sa aton. Isa ka bugal para sa Roxas City nga sila aton Sister City nga nakahanda magbulig sa mga tion sang pagkinahanglan.
-MAYOR RONNIE DADIVAS
