SEMENTADO NA ANG LUBAK NGA DALAN SA NASAGUD
“Umpisa sang gamay ko, yanda ko lang nakita nga ginkay-o ina nga karsada. Super gid na da ya ang lubak. Pasalamat gid ang taga-Nasagud kay Mayor Ronnie kay iya gid gin-aksyonan ang problema namon diri,” pumoluyo sang Nasagud, Lanot.
Amon ginapresentar subong sa inyo ang development sa nagapadayon naton nga pagpakongkreto sang dalan sa Nasagud, Lanot halin sa Highway pakadto sa Marillac. Base sa report sang aton City Engineer’s Office 65 porsyento na sang dalan ang ila nasemento kag target nga mahuman sa katapusan sang Hunyo. Pila ka porsyon sini ang mahimu na agyan sang salakyan.