Sa pihak sang madulom nga panganod kag ulan, nagpadayon ang aton rice distribution sa Barangay Sibaguan, Roxas City agud masiguro nga ang kada pamilya nga nagalaum sini may ara pagkaon nga mabutang sa ila lamesa.
Kalipay kag pasalamat ang nabatyagan sang mga benepisyaryo bangod dako ini nga tabang sa ila adlaw-adlaw nga pangkinahanglan.
“Dako gid ini nga bulig sa amon pamilya. May mga adlaw nga nagakaproblema kami kun sa diin naman namon kwaon ang sunod namon nga kan-on. Subong, may kasiguruhan kami nga indi kami magutom sa pila ka adlaw.” Ine ang hambal sang isa ka benepisyaryo sa Barangay Sibaguan.
