Manami sa pamatyagan nga makita ang kasadya sang aton mga katigulangan nga nagabaton sang ila social pension. Sa Roxas City may 3,166 ka Social Pension Beneficiaries ang DSWD. Para sa 1st Quarter sang tuig kada isa sa ila makabaton sang tig-₱3000 pesos. Daku nga bagay na para sa mga mas nagakinahanglan. May pambakal sang gusto nila nga pagkaon, gatas kag maintenance.
Subong isa sa ginahandum gid naton nga tani mapasugtan ang aton madugay na nga pangabay nga madugangan ang numero sang DSWD Social Pension beneficiaries sa Roxas City kay tuman pa gid ka damo sang mga Lolo kag Lola naton nga deserve man nga makabaton sini nga bulig.