Ginakalipay ko nga ipakigbahin sa inyo ang isa naman ka kadalag-an nga nabaton sang Roxas City, pagkilala sang aton pagtrabaho para sa ikaayo sang pumoluyo sang syudad.
Sa ikaduha nga tion, ang Roxas City LGU ginkilala sang Department of Interior and Local Government (DILG) nga National Finalist kag kabahin sa Subaybayani Awards – Top 10 Overall Performers.
Ini nga pagkilala ginahatag sa mga LGU nga nagabakas kag pagpakita sang pangginobyerno ng may transparency, accountability, mapag-on nga liderato kag maayo nga implementasyon sang mga proyekto pang-imprastruktura nga magadala sang progreso sa pangabuhi kag resilient nga komunidad.
Si City Councilor Bordoy Viterbo ang nagrepresentar sa akon sa pagbaton sini nga pasidungog kaupod sanday City Planning Officer Arnold Alarcon kag City DILG Officer Ginno Salamanca.
Ang Subaybayani Awarding Ceremony ginpangunahan nanday President Ferdinand R. Marcos Jr. kag DILG Secretary Juanito Victor Remulla.
-MAYOR RONNIE DADIVAS