Masadya nga adlaw para sa 353 ka Expanded Centenarian Beneficiaries kay ila na nabaton ang tig-10 mil pesos nga insentibo halin sa National Commission for Senior Citizens.
Sila amo ang mga katigulangan nga nangin kwalipikado na sa Expanded Centenarians Act para sa mga Octogenarians, Nonagenarians kag Centenarians bangud sila nagtapak na sa edad nga 80 anyos pataas. Ang paghatag sang ila benepisyo ginpangunahan ni National Commission of Senior Citizens (NCSC) Regional Director for Western Visayas An Rapunzel Ganzon.
