Pagkatapos sang briefing gin-updan namon ang ginpatigayon nga aerial assessment si Office of the Civil Defense Undersecretary Harold Cabreros kaupod ang representante sang NDRRMC, DSWD, DPWH, DA, NIA kag PIA sa Roxas City kag mga nabahaan nga banwa sa probinsya sang Capiz.
Ila ginlantaw ang halit nga natuga sang baha halin sa mga puluy-an nga ginsulod sang tubig asta sa mga halit sa imprastruktura, agrikultura kag pangisdaan agud makadihon sang solusyon kag bulig para sa pagbangon sang mga apektado nga sektor.
Napaabot na naton direkta sa ila ang kinahanglanon kag mga problema nga prayoridad naton nga masolusyunan sa bulig sang gobierno nasyunal sa labing-madali nga panahon agud maproteksyonan ang kabuhi kag pangabuy-anan sang aton pumoluyo.