Kaina sang aga, duha ka panimalay ang gintupok sang kalayo sa Sitio Sto. Niño-New Road, Barangay Mongpong.
Personal ko nga ginpadulungan sanday Rey Bertolano kag Noel Docto agud makita kag makumusta ang ila sitwasyon. Halos wala gid sang nabilin sa ila pagkabutang. Ang aton ginapasalamatan nga luwas kag wala sang malain nga natabo sa tanan nga miyembro sang ila pamilya.
Kaupod ang aton CSWD, mga katapo sang DSWD kag CDRRMO nagpaabot kita sang inisyal nga bulig-pinansyal sa pamilya agud mapahagan-hagan ang ila kalisod. May dala man kita nga foodpacks, shelter kits, hygiene kits kag iban pa nga mga non-food items.
-MAYOR RONNIE DADIVAS