Kaina aga gintupok gid sang sunog ang puluy-an sang pamilya ni Manang Efifania Echona sa Barangay Baybay.
Masakit gid para sa pamilya nga madula sang gulpi lang ang ila kinabudlayan labi na kay kulang man sila sa pinansyal.
Gilayon sila nga ginkadtuan sang aton CSWD kag CDRRMO upod ang mga opisyales sa barangay agud ipaabot ang una nga bulig kag bisan paano mapamag-an ang ila kalisod. Himuon naton ang aton masarangan agud makapaabot pa sang dugang nga bulig sa pamilya.