Ang Low Pressure Area nga nakita sa nasidlangan sang Mindanao nahimo na nga isa ka bagyo basi sa PAGASA.
Alas-4 kaina sang aga sang nakit-an ini sa 1,430 km nasidlangan sang Mindanao nga may kabaskugon nga 45kph, may pagmadlos hasta 55kph kag may kadasigon nga 15kph.
Ang malain nga panahon mahimo magsulod sa Philippine Area of Responsibility (PAR) sa Domingo kag paga hingalanan ang bagyo nga si Tino.
Ginalauman nga ini magatupa sa duta sa Eastern Visayas-CARAGA sa Martes sang kaagahon. Ang ini nga bagyo magatabok sa Visayas kag Northern Palawan sa Miyerkules kag maga gwa sa PAR sa Huwebes nga adlaw.
Ang Wind Signal mahimo pagapataason sa Signal No. 4 sa Eastern Visayas-CARAGA sa Domingo nga adlaw.
Gina ekspektar nga mabatyagan ang mabunok nga pag ulan sa nasidlangan nga bahin sang Luzon, Visayas kag Mindanao umpisa sa gabi sang Domingo ukon sa Lunes nga adlaw.