The wait is over! Ang madugay nga reklamo kag madugay nga penitensya sang pumoluyo sa lubak nga dalan pa-Dayao matapos na.
Matuman na ang ginahulat nga pagpakay-o kag pag-aspalto sang dalan. Ginmedyusan naton nga iprayoridad ini nga proyekto bangud kinahanglanon may ginagamit gid ini sang tawo.
Kagab-i gin-umpisahan na ang pag-aspalto kag pagpanami sang 2.8 kilometro nga karsada halin sa Zamora Street pakadto sa intersection sang Circumferential Road sa Dayao.
Sa sulod sang isa ka gab-i na-aspalto na ang isa ka lane sang karsada halin sa corner sang Zamora-Barangay 5-Tanque asta sa unhan sang tulay sang Dayao. Karon sa gab-i balik-trabaho naman agud tapuson ang pihak nga lane antes sugpunan ang aspalto na sa Dayao Road. Kon maayo ang tiyempo ginalauman nga sa sulod sang 10 ka adlaw mahuman na ang aton Asphalt Overlay Project.
