Kaina sang aga, 11 ka pamilya ang nadulaan sang puluy-an bangud sa sunog nga nagluntad sa Barangay VIII.
Agud ipaabot ang una nga bulig sang syudad, personal sila nga ginkadtuan sang mga katapo sang CSWDO, CDRRMO kag DSWD. Ini nga bulig ginlakipan sang family food packs, shelter, sleeping, kitchen kag hygiene kits.
Sila temporaryo nga nagaistar subong sa Multi-purpose Hall sang Barangay. Pagatinguhaan man sang syudad nga makapaabot sang dugang nga bulig para sa ila pagbangon.