Kaina aga, nagkadto ako sa Pontevedra para makaupod ang 225 ka School Heads kag GSP Coordinators sang Roxas City kag bilog nga Capiz nga nagapaidalum sa Basic Training Information on Scouting nga ginhiwat sa Maribert Inland Resort.
Para sa akon, ang mga scouting activities nga ginapatigayon sang Girl Scout importante labi na subong nga panahon agud matudluan ang kabataan nga mangin mas mabakud ang buot, maka-adopt kag mangin flexible sa pag-atubang sa mga pagbag-o kag kinahanglanon sini nga panahon labi na sa tion sang kalamidad kag anuman nga emerhensya. Kay ako nagapati nga tanan masarangan himuon sang kababaihan.
Kita nagasuporta gid sa mga programa kag inisyatibo sang Girls Scouts of the Philippines- Capiz Chapter.
-MAYOR RONNIE DADIVAS