Sa anuman nga kalamidad, importante nga preparado. Nag-convene subong nga adlaw ang aton CDRRMC para sa TS Basyang Pre-Disaster Assessment kag preparasyon sang kada concerned agencies/sector sa mangin epekto sang bagyo.
Ang bagyo nga BASYANG ginalantaw nga maga-landfall subong nga gab-i ukon bwas magaaga, Pebrero 6 sa Surigao del Sur. Ini nga bagyo ginalauman nga magadala sa aton sang mabaskog nga ulan (100-200mm) kag hangin sa masunod nga 24 oras nga magaresulta sang pagbaha kag landslide.
Ginapahanumdom sa tanan nga mangin alerto kag mag-monitor sa lakat sang panahon para sa kaluwasan sang aton pamilya. Ang aton mga emergency responders nakabantay kag preparado nga magresponde.