Madamo sa aton pumoluyo sa barangay nga ginabudlayan magkadto sa syudad agud magpa-check up sang ila ginabatyag sa lawas . Paagi sa Caravan of Services makaangkon sila sang libre nga access sa serbisyo medical kag dental.
Subong nga adlaw, ginatos ka pumoluyo sang Barangay Jumaguicjic ang naka-avail sang libre nga konsultasyon, bunot sang ngipon, may libre pa kita nga bulong, X-Ray kag maintenance medicine. Pati kinahanglanon sang mga Senior Citizens kag PWD gin-akomodar man naton pareho sang application para sa ID kag social pension. May programa pa para sa mga mangunguma.
“Indi na ko maggasto pa Roxas para magpacheck-up kay may ari na sa barangay. Igasto ko sa plite kag bakal bulong, ipartenisir ko nalang ni anay sa kinahanglan sa balay,” siling sang taga-Jumaguicjic.