Aga pa kaina sang nag-convene ang aton City Development Council para aprubahan ang mga resolusyon nga magasabat sa importante nga kinahanglanon sang aton syudad. Ini ginlakipan sang approval sang 2026 Supplemental Investment Program, Utilization of City’s 2027 Development Fund kag 2027 Annual Investment Program.
Ini nga mga pondo magakadto sa implementasyon sang mga programa kag proyekto para sa pumoluyo sang Roxas City kapareho sang Social Services, Emergency Assistance Program sa mga indibidwal kag pamilya nga ara sa krisis, pagpadayon sang Bugas para sa taga-Roxas Food Security Program, paghatag solusyon sa problema sa baha, Disaster Prevention and Mitigation, Infrastructure Development Program, dugang nga pondo sa pagpatapos sang New City Hall, New Plaza and Park, pagpatindog sang eskwelahan, konstruksyon sang City Roads, proyekto sa kabarangayan, bulig sa mga magagmay nga negosyante kag iban pa nga makabulig sa padayon nga pagpatahum, pag-umwad sang ekonomiya, opurtunidad kag pangabuy-anan sa Roxas City.