Subong nga hapon kaupod si DICT Regional Director VI Reynaldo T. Sy ginpatigayon naton ang blessing kag inagurasyon sang TechSphere Innovation Lab sang Roxas City. Ang Innovation Lab magaserbi nga Training Center para sa Game Development, Digital Marketing, Graphic Design kag Animation.
Kadungan sini ginpatigayon ang Ceremonial Signing sang Memorandum of Agreement sa tunga sang DepEd Roxas City Division, TESDA kag Roxas City Government para sa pag-establisar sang Roxas City Digital and Innovation Hub sa English Proficiency, Communication, and Language Development. Ini nga lihuk para sa mga Senior High School Students sang syudad kag mga luyag magpaidalom sa training agud mangin preparado kag competitive sa pag-apply sa IT-BPO.
Nagtambong sa aton aktibidad sanday TESDA Capiz Provincial Director Rick Abraham, DepEd Roxas City Division Superintendent Renato Ballesteros, DepEd kag City Officials.
