Ang Composite Team sang CDRRMO, Bureau of Fire Protection, Philippine Army, City Engineers Office kag Electrical Division nagapatigayon subong sang Building Inspection sa tanan nga City Government Offices. Ini agud matsekyar ang epekto sang linog kag structural integrity o kabakud sang kada edipisyo.
Nagakoordinar man kita sa DepEd angut sa on-going nga pagpatigayon sang assessment sa mga eskwelahan sa pagpanguna sang ila DRRM Team, Schools Division Team kaupod ang ila Engineer.
Aton man gina-require ang mga establisemento komersyal nga i-tsekyar ang ila establisemento kag magpasa sang report sa City Government kon may naobserbahan nga mga cracks, misalignment kag iban pa nga depekto sa istruktura.
