Kaina, ginpatigayon ang isa ka coordination meeting upod ang aton kapulisan sa pagpanguna nanday Capiz Police Provincial Director PCOL David Cachumbo Jr. kag Roxas City Police Chief PLTCOL Rogelio Tomagtang Jr., kaupod si City Councilor Bordoy Viterbo, Chairman sang Committee on Police, Fire, Peace and Order, CDRRMO kag City Social Welfare and Development Office angut sa pagpamahug sa eskwelahan sa diin imbolbado ang pila ka estudyante.
Ginhinalaan sa meeting ang bug-os nga detalye sang insidente, assessment sa natabo kag mga nagakaigo nga tikang agud maproteksyunan ang seguridad kag kaluwasan sang bilog nga komunidad sa eskwelahan.
Padayon ang hugot nga koordinasyon sang aton mga ahensya. Himuon naton ang tanan agud masiguro nga ang kada eskwelahan mangin safe nga lugar sa pagtuon kag indi makabatyag sang kahadluk ang aton kabataan.