Ang Capiz/Roxas City Bridge, 124 ka tuig na umpisa sang gintukod ini sang 1901. Base sa Bridge Repair/Rehabilitation Inspection Report sang DPWH, may mga depekto na ang tulay bangud sa katigulangon. Kinahanglan na ang retrofitting o rehabilitasyon. Sunu sa DPWH igaduso nila ang pagpakay-o sang tulay sa 2026.
Ginpahayag ni Roxas City Mayor Ronnie Dadivas sa ginpatigayon nga meeting kaupod ang DPWH 1st Engineering District, law enforcers, truckers, media, Barangay Officials kag mga partner agencies nga samtang wala pa ang rehabilitasyon kinahanglan may himuon kita nga tikang agud malikawan ang pagdaku sang problema para sa proteksyon sang publiko kag pagpreserbar ang century old Capiz/Roxas City Bridge.
Magapasar sang ordinansa ang Sangguniang Panlungsod sa labing madali nga panahon agud pabakuron ang nagaeksister naton nga Executive Order nga nagadumili sa mga mabug-at nga salakyan partikular sa 6-wheeler trucks nga mag-agi sini nga tulay.
Ginpasalamatan sang alkalde ang kooperasyon sang tanan nga concerned agencies kag sektor para sa kaluwasan sang tanan kag pagpreserbar sa tulay nga nangin daku nga parte sang manggaranon nga history sang aton syudad.
Discussion_Bridge-Repair_Rehabilitation-Inspection-Report