May isa ka advanced nga teknolohiya nga ginpresentar sa amon ang grupo nga Comprehensive Approach for Reliable Early Detection (CARED) nga makabulig sa temprano nga pag-detect kag madasig nga screening sang breast cancer.
Ang CARED nagagamit sang thermal imaging system nga naga-detect sang abnormal nga kainit sa lawas nga posible indikasyon sang pagdamo sang ugat ukon selula nga nagahalin sa tumor.
Gin-istoryahan namon upod si Dr. Lory Cahilog ang kolaborasyon sang Roxas City Government kag CARED para sa breast cancer screening sang aton kababaihan sa kabarangayan agud ma-promote ang preventive health care kag mahatagan sila sang mas malapad nga akses sa early screening.