Kaina, nagpakigsapol sa aton ang National Irrigation Administration sa pagpanguna ni NIA Regional Manager Jonel Borres may kaangtanan sa Panay River Basin Integrated Development Project, nga isa ka daku nga plano para masolbar ang madugay na nga problema sa baha sa bilog nga probinsya sang Capiz lakip na ang Roxas City.
Kita nagasuporta sa sini nga proyekto nga nga ginakabig isa ka major development initiative nga makabulig indi lamang sa seguridad sang pumuluyo batuk sa baha, sektor sang agrikultura sa panguma kag pangisdaan kundi sa economic growth.
Kadungan sang aton pagsuporta ginalauman nga sa implementasyon sang proyekto insakto ang agyan sang Irigasyon, Drainage System nga makapahagan-hagan sang baha kag mahatagan sang insakto nga alokasyon sang Bulk Water Supply ang Roxas City.