Nakipagdayalogo sa akon ang mga commercial fishing boat operators kaupod ang mga katapo sang Philippine Coast Guard kag PNP Maritime Police. Ginpamatian naton kag ginsolusyonan ang ila mga ginpaabot nga mga concerns natuhoy sa mga grupo nga indi otorisado sang syudad nga magpanakup sa mga mangingisda.
Ang Bantay Dagat kag mga Fish Wardens nga nakapaidalum sa training amo lang gid ang aton ginhatagan sang otoridad nga mangdakup sa mga ilegal nga nagapanagat.
Kalakip man sa amon ginhinalaan ang pagpasangkad sang operasyon sang PCG kag Maritime batuk sa mga nagapangisda sang ilegal sa kalalawran nga sakup sang syudad.
