Nakigsapol kita sa mga opisyal sang Department of Education – Roxas City Division, nga ginpangunahan ni Acting City Schools Division Superintendent, Dr. Adonis Mosquera, CESE, kag sa mga katapo sang Roxas City Local School Board (LSB). Amon ginhinalaan ang masunod:
- Safety and security concerns sang aton nga mga eskwelahan sa bug-os nga Roxas City.
- Intervention sang aton local government sa pag-pabakod sang seguridad sa mga buluthuan kag ang pagsuporta man sang dugang nga mga maestra sa mga big schools sa syudad nga may madamo nga increase sa enrollment.
- Implementasyon sang dugang nga mga classrooms, kag ang aton supplementary/complementary feeding program para sa aton mambulutho.
Nangin kahigayunan man ini nga sinapol para pormal nga ipaabot sa aton ang mandated reshuffling sang aton mga Assistant Schools Superintendent kun sa diin iga-assign ang aton nga OIC, Assistant Schools Division Superintendent, Dr. Samuel J. Malayo sa Division of Antique kag pagabuslan sya sang tumandok man naton diri nga si Ramon D. Paras Jr., Asst. Schools Division Superintendent.
Mainit naton nga ginaabi-abi si ASDS Ramon Paras, Jr. kag ginpaabot man naton ang aton bug-os nga pagpasalamat kay Dr. Sam Malayo para sa iya pagserbisyo sa aton diri sa Roxas City Division.
-MAYOR RONNIE DADIVAS