Padayon ang pagbulig para sa pagbag-o.
Bisita naton subong nga aga si PDEA Regional Director Ralph Rommel Torres. Madamo man kami sang naistoryahan, una na dira ang Community-Based Drug Rehabilitation Program paagi sa Balay Silangan.
Ini nga programa nagatuyo nga magiyahan ang mga Person who Used Drugs (PWUD’s) nga dalayon nga talikdan ang paggamit sang ilegal nga druga kag tadlungon na ang ila kabuhi.
Para mangin Drug-Cleared kag Drug-Free ang bilog nga Roxas City kinahanglan naton ang bug-os nga suporta sang barangay, pamilya kag komunidad.
-MAYOR RONNIE DADIVAS