Salamat Department of Agriculture sa madasig nga responde sa kinahanglanon sang mga mangunguma sang Roxas City nga biktima sang baha tuga sang Bagyo nga Ramil.
Kaina, ginpangunahan ni DA Undersecretary Alvin John Balagbag kag Regional Director Dennis Arpia ang paghatag sang mga binhi para sa mga miyembro sang Bago Farmers Association kag Sakahang Kabuhayan ng Milibili Farmers Association nga tuman nga nahalitan sang baha ang ulumhan. Kabahin ini sa Quick Response Assistance nga inisyatibo para sa mangunguma agud mabuligan sila nga mapahagan-hagan ang kapirdihan kag makatanum liwat.