May ara sang patigayunon nga Waste Analysis and Characterization Study (WACS) ang aton City Environment and Natural Resources Office sa kabarangayan sa Roxas City nga kabahin sa aton programa sa Solid Waste Management.
Antes ang aktwal nga pagpatigayon sang WACS sa Pebrero 27 tubtob Marso 2, ginhiwat kaina ang Dry Run sa Barangay Culajao.
Ang WACS isa ka pagtuon ukon pag-analisar sang klasi kag kadamuon sang basura nga ginakolekta sa bilog nga Roxas City kada adlaw. Ang mga partisipante sa pagtuon amo ang magakolekta, magakilo kag maga-classify sang mga Biogradable, Non-Biodegradable, Recycle, Residual kag Special Waste. Paagi sa WACS makahimu kita sang kongkreto nga Waste Management Plan sa syudad kag mabuhinan ang basura nga ginaula nga basura sa dumpsite adlaw-adlaw.