Yes! Umpisa sang nagligad nga tuig sige ang komunikasyon sa aton sang PHINMA UI sa ila plano nga pag-establisar sang eskwelahan diri sa Roxas. Good News gid ini kag makabulig sa aton handum nga mas mapaayo ang kalidad sang edukasyon sang kabataan para sa mas masanag nila nga bwas damlag. Magluwas sini magapartner sila sa aton PESO Office sa pagpatigayon sang interschool job fair kay target sang PHINMA UI nga magkuha sang manunudlo kag empleyado halin sa mga bag-o graduate kag board passers.
Kaina nagpatigayon na sang courtesy call sa City Government sanday PHINMA-UI Chief Operating Officer Martin Benedict S. Perez, ACOO Mr. Jasper M. Corpuz, HR Officer Kris Cervas kag Linkages Manager Daijo Canda. Nagrepresentar sa akon si City Councilor Federico Acepcion kaupod si DepEd Roxas Schools Division Superintendent Dr. Renato Ballesteros.