Yanda nga adlaw nagpatawag kita sang emergency meeting sa mga Department Heads sa City Government parte sa aton pagpatuman sang 4-Day Duty (Compressed Working Days) bilang pagsunod sa Memorandum Circular sang Presidente nga kabahin sa aton Energy Conservation measure nga angut sa krisis sa Middle East.
Ang mga empleyado sa regular offices magareport sa trabaho Lunes asta Huwebes umpisa alas-8 sang aga asta alas-7 sang gab-i.
Para masigurado nga indi maapektuhan ang paghatag sang mga importante nga serbisyo sa pumoluyo, aton man ipatuman ang Flexible Work Arrangement sa mga FRONTLINE kag ESSENTIAL SERVICE OFFICES (City Health, CDRRMO, CENRO, CSWD, TMU, RCITT, TATC, Roxas Slaughter house, Libas Fishing Port kag iban pa nga departments/opisina nga aton gin designar.
Magapatigayon man kita sang pagtipid sa kuryenti kag Fuel Conservation. Limitado lamang ang paggamit sang salakyan sang gobierno sa mga essentials nga lakat kag emergency cases.
-MAYOR RONNIE DADIVAS
