Nag-Emergency Meeting ako sa mga Barangay Kapitanes naton sa Roxas City. Ini nga meeting may kaangtanan sa pagpatuman sang mga austerity measures ukon pagtipid sa pagkonsumo sang elektrisidad kag gatong samtang kita nagapangagubang sang epekto sang giyera sa Middle East.
Hugot naton nga ginapanugyan nga sundon man sa kabarangayan ang pagtipid sa pagkonsumo sang kuryenti kag gatong sa ila service vehicle magluwas nalang kon kinahanglan sa pagresponde sa emerhensya.
Kinahanglan naton magkooperar sa sini nga mga lihuk agud mapahagan-hagan ang daku nga epekto sini nga krisis sa aton syudad.
-MAYOR RONNIE DADIVAS