SA ROXAS CITY, LIBRE NA ANG TRAINING, MAY ALLOWANCE PA!
Nagpain gid kita sang pondo paagi sa aton Local School Board para sa English Proficiency, Communication and Language Development Training sang aton mga Grade 12 Students. Kabalo man kita nga bisan libre ang training, magastos gihapon ang pakadto-pakari sa aton Digital Innovation Hub, gani aton ginsigurado nga ang mga Completers may allowance sa sulod sang 10 ka adlaw nga training.
Importante kag makabulig gid ini nga training sa pagbukas sang madamo nga employment opportunities sa palaabuoton.
Katuwang naton sini nga programa ang DepEd-Roxas City Division kag ang aton PESO Roxas City.