Sang nagligad nga gab-e gintupok guid sang kalayo ang panimalay sang mag-asawa nga Ruffa Mae Bito-on kag Reynald Mina sang Brgy. Baybay. Pati ang tinipon nga kwarta para sa pagbata ni Ruffa Mae kag mga kagamitan sang lapsag nalakip gid sa gintupok sang sunog.
Kabalo kita sang kalisod nila subong gani agud mapahagan-hagan ang ila palaligban gilayon nga nagpaabot sang bulig-pinansyal ang Roxas City Government sa pamilya. Nagpadala man kita sang family food packs, hygiene kag shelter kits halin sa DSWD.
Sa pihak nga bahin gintugyan man naton ang bulig-pinasyal sa Capiz Gun Club, Inc. bilang suporta sa ila ginpatigayon nga programa/aktibidad.