Sa sulod sang 5 ka tuig, ang Gratia Plena Exhibit nangin buhi nga pamatuod sang pagpalangga, debosyon kag hugot nga pagtuo sang Roxasnon kag Capiznon sa Mahal nga Birhen Maria.
Subong nga adlaw, Setyembre 8 kadungan sang kaadlawan ni Mama Mary ginbuksan ang Gratia Plena V sa Ang Panublion Museum. Diri makita ang nagkalain-lain nga imahe sang Birhen Maria halin sa mga artists, devotees kag kabataan.
Sa tanan nga tion, sa mga pagtilaw nga nag-agi sa aton kabuhi kag nalampuwasan, ara ang Mahal nga Birhen padayon nga nagaubay kag nagahatag kabakud sa aton.
