Madamo gid nga Salamat Iglesia ni Cristo Ecclesiastical District of Capiz sa pagpalab-ot sang bulig kag pag-ulingag sa 2,309 tanan ka katapo sang Roxas City Tricycle Operators and Drivers Association (TODA) paagi sa inyo LINGAP sa Mamamayan nga programa.
Ang LINGAP sa Mamamayan sang Iglesia ni Cristo isa ka worldwide nga programa nga nagatuyo sa pagbulig kag pag-atipan sa mga pumoluyo nga nagakinahanglan labi na sa mga lugar nga gin-igo sang kalamidad. Ang paghatag sang “Lingap” diri sa Roxas City kabahin sa ila responde sa Bagyo Ramil kag kadungan sa selebrasyon sang kaadlawan ni INC Executive Minister Ka Eduardo Manalo.
