Ang National Government paagi sa Nationwide Classroom Building Program sang DepEd nagpain sang pondo para masolusyunan ang kakulangan sang classroom sa pila ka eskwelahan sa Roxas City.
Subong nga hapon gin-inspeksyon na naton ang apat (4) ka eskwelahan nga kabahin sa mga prayoridad naton sa pagpatindog sang school buildings, ini ginlakipan sang Lawaan Integrated School, Venancio Alba Elementary School, Roxas City School of Philippines Craftsmen kag Dumolog Elementary School.
Pila lang ini sa mga dalagko nga eskwelahan sa syudad nga nagakinahanglan gid sang dugang nga classroom kag ang kalabanan sa ila mga classroom kun indi daan, guba na kag delikado gamiton.