10 Days to go… #NFOT2026 sa Roxas City, tara?
Ready na gid ang Roxas City sa pag-host sa pinakadako nga festival sang mga talented nga kabataan sa bilog nga Pilipinas!
Ginpatigayon naton subong nga hapon ang Inter-Agency Meeting para sa National Festival of Talents (NFOT) nga patigayunon sa Abril 18-22, 2026 sa pagpanguna sang DepEd Roxas City Division kag City Government of Roxas. Gusto namon organisado kag plastado ang tanan halin sa logistics, venue, seguridad kag accommodation lakip na ang transportasyon.
Indi lamang ini basta-basta nga event para sa sektor sang edukasyon bangud tsansa man naton ini agud mapasundayag ang katahum sang aton syudad labi sa tanan ang maayo nga pag-abi-abi kag pag-amuma sang kada Roxasnon. Gani, kinahanglan ko gid ang inyo kooperasyon.
Hatagan ta sila sang pinakamanami nga experience sa Bigger, Better and Brighter Roxas City!
-MAYOR RONNIE DADIVAS