Ari subong sa Roxas City ang mga katapo sang Philippine Fisheries Development Authority (PFDA) Central Office nga si Engr. Alfredo R. Lim kag Engr. Shelly Joy P. Francisco kaupod si Jovy M. Garrido, Port Manager sang Iloilo Fish Port Complex; Architect Ma. Mycon Digol kag Architect Edward Santiago sang Design Team; subongman Project Manager Engr. Caezar Joaquin De Castro.
Ila gin-inspeksyon ang Libas Fishing Port nga magapaidalum sa rehabilitasyon kag improvement. Kasunod sini nag-meeting kami para mapinalisar ang plano kag desinyo agud mangin tayuyon na ang konstruksyon nga target umpisahan sa Nobyembre.
Importante ini agud aton masigurado ang maayo kag insakto nga implementasyon sang proyekto kag ma-monitor kon nagasunod sa timeline ang pag-obra. Ang Libas Fishing Port isa ka importante nga pasilidad para sa sektor sang pangisda sa Roxas City nga magadala sang progreso sa ekonomiya sang syudad.
